പുസ്തകങ്ങള്‍ കഥ പറയുന്നു
എന്താണീ മനുഷ്യരിങ്ങനെ.?
വലിയ ബുദ്ധിമാന്‍മാരാണെന്നാണവരുടെ വിചാരം.പുസ്തകങ്ങളായ ഞങ്ങളില്ലായിരുന്നെങ്കില്‍ വായിച്ചും,പഠിച്ചും,ചിന്തിച്ചും വളരാന്‍ ഇവര്‍ക്കിങ്ങനെ സാധിക്കുമായിരുന്നോ?. ലോകത്ത് നിരവധിമാറ്റങ്ങളുണ്ടാക്കാന്‍ അറിവുകള്‍ സമ്മാനിക്കുന്ന ഞങ്ങളെ മനുഷ്യര്‍ അലമാരയില്‍ അടുക്കി ഇരുത്തി.ഞങ്ങള്‍ രക്ഷപെട്ടുകളയുമെന്ന് വിചാരിച്ചാവാം കുറ്റിയും കൊളുത്തും വെച്ചത്.വിവേകവും സല്‍സ്വഭാവവുമില്ലാത്ത മനുഷ്യരെ പോലെ ചാടിപോവുകയില്ല ഞങ്ങള്‍.ആഗ്രഹത്തോടെ അന്വേഷിച്ച് വരുന്നവര്‍ക്ക് മനസുനിറയെ അറിവു നല്‍കും.ഈ ചില്ലുകൂട്ടില്‍ കിടന്ന് പൊടിയും,മാറാലയുമൊക്കെ പിടിച്ച് മനുഷ്യരുടെ വൃത്തികെട്ട മനസുപോലെയായിതീരാതിരുനിന്നാല്‍ മതിയായിരുന്നു. പണ്ട് എത്ര വായനക്കാരായിരുന്നു ദിനംപ്രതി ഇവിടെയെത്തിയിരുന്നത്.അന്ന് ഞങ്ങളുടെ നല്ലകാലമായിരുന്നു.കഥയും,കവിതയും,നോവലും,നിരൂപണവുമൊക്കെ തേടിയെത്തുന്ന മനുഷ്യരോടൊപ്പം എത്രയധികം സഞ്ചരിച്ചു.പുതിയകാലത്ത് ടി വി യും,കമ്പ്യൂട്ടറും,കടന്നുവന്നതോടെ ഞങ്ങളെ തേടി ആരും വരാതായി. നാളെ പുതിയതലമുറ ഞങ്ങളെ തേടി വരാതിരിക്കില്ല...
---- ബ്ലോഗ് വിക്ഷണം ---
No comments:
Post a Comment